നിഴൽക്കുത്ത്

നിഴൽക്കുത്ത്..


നിഴലുകളെ ഭയന്ന് ഇരുട്ടിന്റെ വീട്ടിൽ
കറുത്ത ചായം തേച്ച ചുവരിന്റെ
അരികിൽ ഞാൻ നില്പുണ്ട്.
അടച്ച കണ്ണുകൾ
കറുത്ത വസ്ത്രം
കാൽച്ചുവട്ടിൽ ,കരിഞ്ഞ മുല്ലപ്പൂക്കൾ.
വെളിച്ചത്തിന്റെ വാതിൽ ഇനി തുറക്കേണ്ട.
ഞാൻ പറഞ്ഞല്ലോ ,നിഴലുകൾ,
എനിക്കവയെ ഭയമാണെന്ന്.
എങ്കിലും ഇരുട്ടിനെ കീറി
ഒച്ചയില്ലാതെ വന്ന്
വെളുത്തു പോയ മുടിയിൽ വിരലോടിച്ച്
ഇരുളായലിഞ്ഞ കൈകൾ,
നീ..
കറുത്ത ചായം തേച്ച ചുവരിന്റെ
അരികിൽ,
ഞാൻ..