കുഴിക്കാലായില് ചിക്കന് സെന്ററിലെ
അരിപ്രാവുകൾ
------------------------------------------------------------------------------------------------------------------------------
കുഴിക്കാലായില് ചിക്കന് സെന്ററില്
അരിപ്രാവുകളൊണ്ട്
കറുത്തതും വെളുത്തതുമല്ലാത്തവ
കലപില കാറിച്ചകള്ക്കിടേന്ന് കണ്മതിച്ച്
കോഴിയെ പിടിക്കും.
കട്ടിതൂക്കം തൂക്കി കോഴിക്കാലില് പിരിയൻ
കയര് ഞാത്തി ത്രാസ്സേല് കൊരുത്ത്
കിലോക്കണക്ക് പറയും.
എടാ ബേ നീയോ?? എന്ന കോഴിക്കരച്ചില്
ഗൌനിക്കാതെ കഴുത്ത് കശക്കി
തക്കാളി പെട്ടിയിലേക്ക്
പെട്ടിയിലെ കൊട്ടിക്കലാശം നോക്കി ചിറി കോട്ടി
പിറാവിന് കുറുകല്.
കറിക്കോ അതോ വറക്കാനോ ??
കാറ്റത്തു ആകാശ ഉയരത്തില് തൂവലുകള്
ചോരപ്പൂവുകള് കുടല്മാലകള്
കറിപ്പാകത്തിന് കഷ്ണിച്ച് കരിങ്കൂടില്
പൊതിഞ്ഞ കൂട്ടുകാരന്റെ ജഡം
കുഴിക്കാലായില് ചിക്കന് സെന്ററില്
അരിപ്രാവുകളോണ്ട്
കറുത്തതും വെളുത്തതുമല്ലാത്ത എനങ്ങൾ...
No comments:
Post a Comment